Sing against the Climate Crisis
1. Mir sind da, mir sind da!
Au wenn aus d Bänkä nöd wennd ha, simmer da!
Gäg Usbütig, Chrieg und Gäld, für e läbenswerti Wält
Au wenn eus d Bankä nöd wennd ha, simmer da!
2. Mir sind da, mir sind da
Au wenn eus d Bulle nöd wennd ha, simmer da!
Gäge Repression und Gwalt, gäge Straf und Staatsahwalt
Au wenn eus d Bulle nöd wennd ha, simmer da!
Meldodie: “On est la” (Gillets Jaunes)
Lyrics: Caesar
Scho sit meh als es paar Duzend Jahr, d Faktelag isch so klar!
Mir chönd nümä witter wie bishär- Usbütig und Wachstumszwang
(ab 3. Zeile Langsames Klatschen)
Darum leistet mir jetzt Widerstand – Solidarisch, Hand in Hand
Sömmer zäme für Nachhaltigkiet, Grechtigkeit- ä bessri Wält!
(Refrain: schnelles Klatschen)
Lääälääälääälääälääläälääääääläääläää – läääläääläää – läääläääläää….
Music: Luis Demetrio (Sway / ¿Quién será?)
Lyrics: Caesar
1. Ich stecke min Chopf
Ganz tüf in Sand
wot sicher sii
Bruch kein Verstand
D’Menschheit stirbt us
Füür brechend us
Ich wünsch mir e bessri Welt
En Planet für all
Refrain
Zuekunft ghört eus, mir händ es Ziel
Ziit zum handle bliibt nüm grad viel
Stop CO2! S’git u viel z’tue
rettet mir d’Welt, du ghörsch derzue!
2. Träne im Aug
Befreit vom Sand
S’sich höchsti Ziit
Chum gib mir d’Hand
Mir sind nüm elei
Händ Muet für Zwei
Schafed jetzt e bessri Welt
En Planet für all.
Refrain
3. Keis Strebe nach Macht
kei Hunger, kei Schmerz
mir Hand ä Vision
und Hoffnig im Herz
Niemer wot meh
Als d’Ärde chan gäh
Wär das nöd e schönri Welt
En Planet für all?
Refrain
4. Stönd uf voller Muet!
S’isch würkli gnueg!
mer werded meh
mir mached’s guet.
Gmeinsam leisted mir Widerstand
für eusi Zuekunft
Fönd mir a i däm Land!
(Le ranz de la Politique)
Solo
Üses Parlament muess endlich handle
Üses Parlament schafft jetzt es griffigs Klimagsetz
Gemeinsam
Klima Klima Politik
Klima Klima Politik
1. Gang rüef de Grüne, gang rüef de Rote,
sie sölid alsam, sie sölid alsam
Gang rüef de Gelbe, Gang rüef de Blaue
Sie sölid alsam s’Klima ernst neh.
Lösige müend mer finde, Lösige müend mer ha!
Lösige müend mer finde, Lösige müend mer ha!
Lösige müend mer finde, Lösige müend mer ha,
Sust isch die Schwiiz bald nüme da
2. Gang rüef am Bundesrat, und au am Ständerat
sie sölid alsam, sie sölid alsam
Rüef am Nationrat und au am Bankerat
Sie sölid alsam s’Klima ernst neh.
Words: Franziska Newman
Unser Klima wird sich ändern
wenn wir jetzt nicht etwas tun,
jeder kann dabei auch helfen,
besser als gar nichts zu tun.
Aber unsere Politi(hi)ker
weichen nicht vom alten Kurs,
und das Volk so brav wie immer
kann nicht lösen diesen Frust.
Darum lasst uns demonstrieren
bis wir ändern diesen Kurs,
sonst in fernen Tagen leben
unsre Kinder mit Verdruss.
Mutig, mutig liebe Menschen
gebt auf keinen Fall jetzt auf,
morgen soll die Sonne wieder
freundlich gehn am Himmel auf.
1. Mir müend verwache,
müend öppis mache,
süsch seit üs üsi Mutterärde gli
ciao ciao ciao!
Mir müend verwache,
müend öppis mache.
Für dass mir e Zuekunft hei.
2. Will üsi Ärde,
hed es Problem.
u so chönnts sy, dass si üs bald seit
ciao ciao ciao!
Will üsi Ärde,
hed es Problem – u
das Problem si äbe mir.
3. Wärde mir grüener,
jo lieber früener,
süsch seit üs üsi Mutterärde gli
ciao ciao ciao!
Wärde mir grüener,
jo lieber früener,
Jo will spät isch äbe z’spät!
4. Kei Zyt für Lüge,
kei Zyt für Usflücht,
süsch seit üs üsi Mutterärde gli
ciao ciao ciao!
Kei Zyt für Lüge,
kei Zyt für Usflücht,
üsi Zuekunft schaffe mir iz!